Криштиану Роналду тўп тепаётган Саудиянинг "Ан-Наср" клуби португалияликни қўллаб-қувватлади.
Словенияга қарши ўйинда 39 ёшли ҳужумчи қўшимча бўлимда пенальтини амалга ошира олмади, уни Ян Облак қайтарди. Шундан сўнг португалиялик йиғлаб юборди ва терма жамоанинг деярли барча футболчилари уни қўллаб-қувватлашди.
Криштианунинг клуби ҳам четда қараб турмади. "Ан-Наср" ижтимоий тармоқларда юлдуз футболчининг постида изоҳ қолдирди.
"Нима бўлса ҳам! Сиз абадий GOAT бўлиб қоласиз”, — дейилади постда.
Португалия терма жамоаси Евро-2024 чорак финалида Францияга қарши майдонга тушади. Учрашув 5 июль куни бўлиб ўтади.
