Швейцария терма жамоаси ярим ҳимоячиси ва сардори Гранит Жака 2024 йилги Европа чемпионатида Англияга қарши ўйинда иштирок этиши режалаштирилган.

Mirror нашри хабарига кўра, футболчининг мушаклари билан боғлиқ муаммолар бўлган, бироқ МРТ текшируви жиддий ҳеч нарса аниқламаган. Жака сўнгги машғулотни индивидуал дастур бўйича ўтказди.

6 июль куни Дюссельдорфдаги стадионда Европа чемпионати чорак финали доирасидаги Англия ва Швейцария терма жамоалари ўртасидаги учрашув бўлиб ўтади.

Учрашув Тошкент вақти билан соат 21:00да бошланиши режалаштирилган. Ғолиб ярим финалда Нидерландия-Туркия жуфтлигининг ғолиби билан ўйнайди.