Миш-мишларга кўра, ҳимоячи Маттейс де Лигт «Бавария»дан «Манчестер Юнайтед»га ўтишга яқин турибди. «Олд Траффорд»да нидерландиялик футболчи «Аякс»да бирга ишлаган Эрик тен Хаг билан яна учрашиши кутилмоқда.

Айни пайтда, «Бавария» мухлислари клубнинг Де Лигт билан хайрлашишини исташмаяпти. Мюнхен клуби мухлислари ҳатто петиция тузиб, унда Маттейсни улкан салоҳиятга эга жаҳон даражасидаги ҳимоячи деб аташди. Мурожаат муаллифлари нидерландияликнинг потенциал сотилишини «афсусланишлари мумкин бўлган даҳшатли қарор» деб ҳисоблашади.

Мурожаатни аллақачон 16 мингдан ортиқ киши имзолаган.