Mish-mishlarga ko‘ra, himoyachi Matteys de Ligt «Bavariya»dan «Manchester Yunayted»ga o‘tishga yaqin turibdi. «Old Trafford»da niderlandiyalik futbolchi «Ayaks»da birga ishlagan Erik ten Xag bilan yana uchrashishi kutilmoqda.
Ayni paytda, «Bavariya» muxlislari klubning De Ligt bilan xayrlashishini istashmayapti. Myunxen klubi muxlislari hatto petisiya tuzib, unda Matteysni ulkan salohiyatga ega jahon darajasidagi himoyachi deb atashdi. Murojaat mualliflari niderlandiyalikning potensial sotilishini «afsuslanishlari mumkin bo‘lgan dahshatli qaror» deb hisoblashadi.
Murojaatni allaqachon 16 mingdan ortiq kishi imzolagan.
