Серхио Регилон иккинчи марта «Манчестер Юнайтед»га ўтиши мумкин.
Айтишларича, испаниялик ҳимоячи 2025 йилгача мўлжалланган шартномасига қарамай, шу ёзда «Тоттенхэм»ни тарк этади.
27 ёшли футболчига ўтган мавсумнинг биринчи ярмида ижара асосида ўйнаган «Манчестер Юнайтед» жамоаси қизиқиш билдирмоқда. Эътиборлиси, қишда «Манчестер Юнайтед» Регилоннинг ижарасини муддатидан олдин бекор қилганди.
«Вест Хэм» ҳам Серхиога даъвогарлар қаторида.
Ҳимоячи ўтган мавсумнинг иккинчи ярмини «Брентфорд»да ўтказди ва АПЛда 16 ўйинда 4 та голли узатмани амалга оширди.
