“Ювентус” энди ҳимоячи Маттиа Де Шильога ишонмайди.

31 ёшли футболчи жароҳати туфайли ўтган мавсумнинг деярли барчасини ўтказиб юборди ва сафга қайтганидан бери фақат бир марта майдонга тушди. "Бьянконерилар" мураббийини ўзгартирдилар, аммо Тьяго Мотта қўл остида Де Шильонинг позицияси кескин ўзгариши даргумон. Журналист Николо Скиранинг сўзларига кўра, "Монца" аллақачон италиялик ҳақида маълумот сўраган. "Ювентус" ёзда футболчи билан хайрлашишга тайёр.

Маттиа де Шильо 2017 йилдан бери Турин клубига тегишли. Transfermarkt маълумотларига кўра, латералнинг ҳозирги қиймати 1 миллион еврони ташкил қилади.