Инсайдер Фабрицио Романо "Бавария"нинг чап қанот ҳимоячиси Альфонсо Дэвиснинг "Реал"га ўтиши мумкинлиги ҳақида маълумот берди.

“Қироллик клуби” амалдаги шартномаси 2025 йилнинг ёзида якунига етадиган канадалик футболчини анчадан бери кузатиб келмоқда, бироқ клублар келишув шартлари бўйича келиша олмаяпти. Романонинг сўзларига кўра, Мадриднинг “Реал” клуби Дэвис борасидаги режаларидан воз кечгани йўқ – 23 ёшли футболчи ҳали ҳам "Лос Бланкос" учун жуда қизиқ. Мадридликлар футболчи билан алоқани тўхтатгани йўқ, бироқ улар ортиқча пул тўлаш ниятида эмас. Ла Лига гиганти "адолатли" нархни талаб қилишда давом этади.

Transfermarkt Альфонсо Дэвиснинг нархини 50 миллион еврога баҳолаган.