"Барселона" ярим ҳимоячиси Педри жамоанинг янги бош мураббийи Ханс-Дитер Флик билан бирга ишлашдан нимани кутаётгани ҳақида гапирди.
Немис мутахассиси май ойи охирида истеъфога чиқарилган Хави Эрнандеснинг ўрнига «кўк-анорранглилар» постини эгаллади.
“Флик ва мен бир неча сўз алмашишга муваффақ бўлдик, у менга Еврода омад тилади. Мен мавсум бошланишини ва мураббий билан учрашишни интиқлик билан кутяпман.
Ишлар қандай кетишини кўриш жуда қизиқ бўлади. Ишончим комилки, ҳаммаси яхши бўлади”, - деди Педри 5 июль куни бўлиб ўтадиган Испания ва Германия терма жамоалари ўртасидаги Европа чемпионати чорак финал учрашуви олдидан Mundo Deportivo нашрига берган интервьюсида.
