"БТА Футзал" жамоасида ўйнаётган 4 нафар футзалчиларимиз — Дилшод Ирсалиев, Шуҳрат Тожибоев, Фарҳод Абдумавлонов, Олег Холмуҳаммедов ҳамда ёрдамчи мураббий Александр Петров Қозоғистон чемпионатининг бронза медалларини қўлга киритишди. Аниқроғи, бу жамоа кумуш медалларни қўлдан чиқаргани учун бронза билан чекланишга мажбур бўлди.

Аслида қўшни чемпионат якунига етган ва кеча 15-турнинг 2та қолдирилган учрашуви ўтказилди. "БТА Футзал" ўз ҳамшаҳарлари "Қайрат" билан куч синашишди. "Қайрат" муддатидан аввал чемпионликни қўлга киритиб бўлган бўлса-да, "БТА Футзал"га қарши катти куч билан ўйнади ва ғалаба қозонди. Ҳисобни Фарҳод Абдумавлонов очганди. Шундан сўнг майдон эгалари 4та гол уришга муваффақ бўлишди. Биринчи бўлим сўнгида Дилшод Ирсалиев ҳисобни 4:2га қисқартирди. Иккинчи бўлимда "банкирлар" яхши ўйин кўрсатишди ва мағлубиятдан қутулиб қола олишмади — 5:4. Ирсалиев ҳисобидаги голлар сони 36тага етди ва у тўпурарлар баҳсида 5-ўринни эгаллаб турибди.

"Тулпар" эса ўз майдонида медаллардан қуруқ қолган "СКА-Юг"ни қабул қилди 8:3 ҳисобида ғалаба қозонди.

Натижада бугун бўлиб ўтадиган иккинчи кун ўйинларидан қатъи назар, медаллар тақдири тўла ҳал бўлди: "Қайрат" — олтин, "Тулпар" — кумуш, "БТА Футзал" — бронза.

15-турнинг қолдирилган баҳси
«Қайрат» — «БТА Футзал» 5:4 (4:2)
Голла: Лео Сантана 3, 13, Александров 10, Жоан 16, 23 — Абдумавлонов 2, Ирсалиев 20, Муҳамедияров 38, 40

«Тулпар» — «СКА-Юг» 8:3 (3:2)