Туриннинг "Ювентус" клуби Лондоннинг "Арсенал" клуби ҳимоячисини сотиб олиши мумкин. Tuttosport маълумотларига кўра, агар "кекса сеньора" Риккардо Калафьорини қўлга кирита олмаса, Якуб Кивиор Тьяго Мотта жамоасининг асосий мақсади бўлади.

Эслатиб ўтамиз, Калафьори трансфери учун "Арсенал" фаворит саналади. Италиялик футболчининг келиши Кивиорнинг "Арсенал" режаларидан тушиб қолишини билдиради. 24 ёшли польшалик аввалроқ Тьяго Мотта қўл остида "Специя"да ўйнаган, шунинг учун футболчи ўзининг собиқ мураббийи билан бирлашишдан хурсанд бўларди.

Кивёр 2023 йилнинг январидан бери "Арсенал"да ўйнамоқда. Англия чемпионатининг сўнгги мавсумида польшалик битта гол урди ва учта голли узатмани амалга оширди.