Қозоғистон «Sports.kz» портали томонидан ўтказиб келинаётган ойнинг энг яхши футболчисини аниқлаб берадиган "Олмос" танловининг март ойи натжалари эълон қилинди. Сўровнома натижасида ўзбекистонлик футболчилар — Улуғбек Бақоев, Александр Гейнрих ва Шавкат Саломов ҳисобида маълум очколар тўпланди.

Хабарингиз бор, сўровномада Премьер-лига клублари бош мураббийлари ва ҳар бир клубдан бир нафардан футболчилар иштирок этишади.

Бақоев 12 очко билан 4-ўринни қўлга киритди. У 3-ўринни эгаллаган Зенкович билан бир хил балл тўплади, фақат беларуслик футболчи 12 баллни 2та 1-ўрин ва 3та 2-ўрин орқали тўплаган бўлса, бу борада ҳамюртимизнинг кўрсаткичи 2-2-2 бўлди. Улуғбек март ойида ўтказилган ўйинларда рақиб дарвозасини 2 марта ишғол қилди.

Александр Гейнрих эса 11 очко билан 5-ўринн эгаллади. Унга жамоадоши Марат Бикмаев ҳам овоз берди (1-ўрин). Шунингдек, "Шахтёр" бош мураббийи Виктор Кумиков ҳам Сашани 1-ўринга қўйди. Гейнрих айнан "Шахтёр"га қарши ўйин қаҳрамонига айланганди. Александр март ойида 2та гол уришга муваффақ бўлди.

Шавкат Саломов эса 2 балл билан 20-ўринни эгаллади (30 нафар футболчи орасида). Уни "Қайрат" футболчиси Кирилл Шестаков сўровномада 2-ўринга қўйган.

Март ойининг энг яхши футболчиси дея "Тараз" легионери Мануэль Курто тан олинди. Португалиялик футболчи март ойи давомида 2та гол урди ва 2та голга ассистентлик қилди.

Сўровнома натижалари:
1 Курто Мануэль (Португалия) «Тараз» — 14 (2,2,4)
2 Жолчиев Бауржан «Тобол» — 12 (3,1,1)
3 Зенькович Игорь (Беларусь) «Акжайик» — 12 (2,3,-)
4 Бақоев Улуғбек (Ўзбекистон) «Иртиш» — 12 (2,2,2)
5 Гейнрих Александр (Ўзбекистон) «Актобе» — 11 (2,2,1)
6 Лечич Мирослав (Сербия) «Тараз» — 10 (3,-,1)
7 Сиссей Момаду (Гамбия) «Қайрат» — 6 (1,1,1)
8-9 Красич Огнен (Сербия) «Тобол» — 5 (1,1,-)
8-9 Волков Виталий «Тобол» — 5 (1,1,-)
10 Ньянг Папа (Сенегал) «Восток» — 5 (-,1,3)
20-23 Саломов Шавкат (Ўзбекистон) «Жетису» — 2 (-,1,-)