Собиқ англиялик ҳужумчи Гари Линекер Криштиану Роналдунинг Словенияга қарши (0:0, 3:0 пенальтилари) учрашувда пенальтидан фойдалана олмаганидан сўнг ҳиссиётлари бузилгани ҳақида гапирди.
"Унинг жамоаси мағлубиятга учрамади, ҳали курашадиган нарса бор эди. Мен буни айтмоқчи эмасдим, лекин Криштианунинг хатти-ҳаракати мактаб ўқувчисиникига ўхшади, қачонки унда бирор нарса чиқмаса, унинг асаблари бузилиб кетади", - деди Линекер Mirror нашрига.
Европа чемпионатида 39 ёшли Роналду тўртта ўйин ўтказиб, битта голли узатмани амалга оширган. Чорак финалда Португалия терма жамоаси Франция термаси билан тўқнаш келади.
