Нидерландия терма жамоаси ва "ПСЖ" ярим ҳимоячиси Хави Симонс Германия чемпионатидаги фаолиятини давом эттириши мумкин. Бу ҳақда инсайдер Флориан Плеттенберг ижтимоий тармоқлар орқали хабар берди.
Журналистнинг ёзишича, 21 ёшли нидерландиялик ярим ҳимоячини "Бавария" ўз сафига қўшиб олмоқчи. Немис гранди Симонсни кейинчалик сотиб олиш опцияси билан ижарага олмоқчи. Хави жамоада ўнинчи рақамни эгаллаши мумкин.
Ўтган мавсумда Симонс "Лейпциг" сафида 43 та ўйинда қатнашиб, 10 та гол урди ва 15 та голли узатмани амалга оширди. Унинг бозор қиймати 80 миллион еврони ташкил қилади.
