"Манчестер Юнайтед" спорт директори Дэн Эшуорт жамоа бош мураббийи Эрик тен Хаг билан шартномани узайтириш ҳақида гапирди.
Бугун нидерландиялик мураббий 2026 йилга қадар янги шартнома имзолагани маълум бўлди. Функционернинг айтишича, айни дамда тен Хаг "Манчестер Юнайтед" учун энг муносиб мураббий.
"Мураббийлар штаби ва ҳозирги таркибимиз юқори савияда рақобатлашиш ва ғалаба қозонишга қодир эканликларини кўрсатди. Энди биз барқарорликни топишимиз керак", - деди Дэн Эшуорт "қизил иблислар" матбуот хизматига.
Эслатиб ўтамиз, "Манчестер Юнайтед" АПЛнинг сўнгги мавсумини саккизинчи ўринда якунлаган бўлса-да, ҳал қилувчи баҳсда "Манчестер Сити"ни мағлуб этиб, Англия кубогини қўлга кирита олди.
