"Манчестер Юнайтед" бош мураббийи Эрик тен Хаг клуб билан шартномаси узайтирилгани ҳақида фикр билдирди. Олдинроқ нидерландиялик мураббий "қизил иблислар" билан янги шартнома имзолагани ҳақида хабар берилганди.
"Ҳамкорлигимиз давом этаётганидан жуда хурсандман. Охирги икки йил ва икки совринимизга ғурур билан назар ташлашимиз мумкин. Биз бу ерга биринчи келганимдаги билан солиштирганда олдинга қадам ташладик", - дея тен Хагнинг сўзларини келтиради клуб матбуот хизмати.
Шу билан бирга, мутахассис олдинда ҳали кўп машаққатли ишлар борлигини таъкидлади.
