"Manchester Yunayted" bosh murabbiyi Erik ten Xag klub bilan shartnomasi uzaytirilgani haqida fikr bildirdi. Oldinroq niderlandiyalik murabbiy "qizil iblislar" bilan yangi shartnoma imzolagani haqida xabar berilgandi.
"Hamkorligimiz davom etayotganidan juda xursandman. Oxirgi ikki yil va ikki sovrinimizga g‘urur bilan nazar tashlashimiz mumkin. Biz bu yerga birinchi kelganimdagi bilan solishtirganda oldinga qadam tashladik", - deya ten Xagning so‘zlarini keltiradi klub matbuot xizmati.
Shu bilan birga, mutaxassis oldinda hali ko‘p mashaqqatli ishlar borligini ta’kidladi.
