"Манчестер Юнайтед" ходимлари клубдаги штат қисқартириш ҳақидаги хабардан ҳайратда.
Аввалроқ инглиз клуби 1100 нафар ходимидан 250 нафарга яқинини қисқартириши, тежалган маблағ эса жамоани кучайтиришга йўналтирилиши маълум бўлганди.
ESPN нашри хабарига кўра, вақтинча бош директор Жан-Клод Блан эълон қилган янгилик клуб ходимларини ҳайратда қолдирди. Баъзи ходимларга ишдан бўшатиш ҳақида аллақачон айтилган, бошқалари эса бу ҳафта уларга таъсир қиладими ёки йўқлигини билиб олади.
Қарор INEOS раҳбари Жим Рэтклифф бошқарув жамоасига келганидан сўнг амалга оширилган клуб харажатлари таҳлили натижасида қабул қилинди. Таъкидланишича, клубни жонлантириш учун жиддий молиявий ислоҳот зарур деган фикрда бу қарор енгил қабул қилинмаган.
Бошқа бир қатор харажатларни камайтириш чоралари аллақачон амалга оширилган, жумладан, ходимларнинг Англия кубоги финалига анъанавий саёҳати бекор қилинган.
