"Manchester Yunayted" xodimlari klubdagi shtat qisqartirish haqidagi xabardan hayratda.
Avvalroq ingliz klubi 1100 nafar xodimidan 250 nafarga yaqinini qisqartirishi, tejalgan mablag‘ esa jamoani kuchaytirishga yo‘naltirilishi ma’lum bo‘lgandi.
ESPN nashri xabariga ko‘ra, vaqtincha bosh direktor Jan-Klod Blan e’lon qilgan yangilik klub xodimlarini hayratda qoldirdi. Ba’zi xodimlarga ishdan bo‘shatish haqida allaqachon aytilgan, boshqalari esa bu hafta ularga ta’sir qiladimi yoki yo‘qligini bilib oladi.
Qaror INEOS rahbari Jim Retkliff boshqaruv jamoasiga kelganidan so‘ng amalga oshirilgan klub xarajatlari tahlili natijasida qabul qilindi. Ta’kidlanishicha, klubni jonlantirish uchun jiddiy moliyaviy islohot zarur degan fikrda bu qaror yengil qabul qilinmagan.
Boshqa bir qator xarajatlarni kamaytirish choralari allaqachon amalga oshirilgan, jumladan, xodimlarning Angliya kubogi finaliga an’anaviy sayohati bekor qilingan.
