Испания терма жамоасининг ўнг қанот ҳимоячиси Даниэль Карвахаль Евро-2024 чорак финалида Германияга қарши ўйиндан умидлари билан ўртоқлашди.
“Менда ажойиб туйғу бор. Жамоадошларимга қарасам, улар хотиржам.
Биз Германияни мағлуб этиш учун ажойиб ўйин кўрсатишимиз кераклигини биламиз, лекин бизда кучли ва ишончли жамоа бор. Ғалаба қозониш имконияти тенг, майда деталлар ҳал қилувчи бўлади.
Германия терма жамоасида тезкор ҳужумчилар, кучли ҳимоячилар ва тўпни ушлаб туришни яхши кўрадиган футболчилар бор. Улар билан бирга бизда ҳам шундай фазилатлар бор”, - деди Карвахаль матбуот анжуманида.