"Ювентус" "Манчестер Юнайтед" вингери Жэйдон Санчо учун курашдан чиқмоқчи эмас.

“Қизил иблислар” бу ёзда инглиз футболчиси билан хайрлашишга тайёр, бироқ унинг сотувидан камида 30 миллион евро ишлаб олишни истамоқда. Инсайдер Альфредо Педулланинг сўзларига кўра, "Ювентус" ҳали ҳам Санчо билан шартнома имзолаш устида ишламоқда. Туринликлар 24 ёшли футболчини сотиб олиш мажбурияти билан ижарага олмоқчи, шартномага бошқа футболчилар ҳам киритилиши мумкин.

Жэйдон Санчонинг "Манчестер Юнайтед" билан шартномаси 2026 йилнинг ўрталарига қадар амал қилади. Ўтган мавсумнинг иккинчи ярмида вингер Дортмунднинг "Боруссия" клубида ижара асосида ўйнади.