Испания терма жамоаси бошқарувчиси Луис де ла Фуэнте ўз жамоаси нимада яхши эканини тушунтирди.
Жума куни испанлар Германия терма жамоасига қарши Европа чемпионатининг чорак финал учрашувини ўтказади. Учрашув Тошкент вақти билан 21:00да бошланади.
“Бизнинг кучли томонларимиздан бири шундаки, биз ҳар доим жамоа бўлиб ўйнаймиз. Бу менинг жамоам ҳақида биринчи гапим. Бу борада биз Германия терма жамоасига ўхшаймиз.
Мен ўз футболчиларимни ҳеч кимга алмаштирмаган бўлардим, улар мен учун дунёнинг энг зўри. Биз майдонга тушиб, ғалаба қозониш учун ўйнашга тайёрмиз. Биз катта масъулиятни ҳис қиляпмиз ва тўлиқ бор эътиборимизни ўйинга қаратганмиз", - деди де ла Фуэнте ўйинолди матбуот анжуманида.
