Аргентина терма жамоаси кетма-кет 5-марта Америка кубоги ярим финалига чиқди.

Аргентиналиклар АҚШдаги турнирнинг чорак финалида Эквадорни мағлубиятга учратишди (1:1, пенальтилар сериясида 4:2).

Жамоа кетма-кет бешинчи Америка кубоги ярим финалига чиқди. Жамоа охирги марта чорак финалда 2011 йилда Уругвайга пенальтилар сериясида мағлуб бўлганди.

Эслатиб ўтамиз, аргентиналиклар ярим финалга қадар етиб борган аввалги тўртта турнирдан биттасида – 2021 йилда ғалаба қозонишга муваффақ бўлишган.

2015 ва 2016 йилларда жамоа финалда мағлуб бўлган, 2019 йилда эса 3-ўринни эгаллаган.