Испания терма жамоаси ва Бильбаонинг “Атлетик” клуби ҳужумчиси Нико Уильямс “Барселона”нинг трансфер мақсади ҳисобланади. Бу ҳақда Инсайдер Санти Овале ижтимоий тармоқлар орқали хабар бермоқда.
21 ёшли испаниялик футболчини қўлга киритиш учун "блауграна" ўзининг баъзи юлдуз футболчилари билан хайрлашишга тайёр. Ушбу рўйхатга ярим ҳимоячилар Френки де Йонг ва Рафинья, шунингдек, ҳимоячи Рональд Араухо киритилган.
Ўтган мавсумда Нико "Атлетик" сафида 37 та ўйинда майдонга тушиб, 8 та гол урди ва 17 та голли узатмани амалга оширди. Уильямснинг баск клуби билан шартномаси 2027 йилнинг ёзига қадар тузилган.
