Ispaniya terma jamoasi va Bilbaoning “Atletik” klubi hujumchisi Niko Uilyams “Barselona”ning transfer maqsadi hisoblanadi. Bu haqda Insayder Santi Ovale ijtimoiy tarmoqlar orqali xabar bermoqda.
21 yoshli ispaniyalik futbolchini qo‘lga kiritish uchun "blaugrana" o‘zining ba’zi yulduz futbolchilari bilan xayrlashishga tayyor. Ushbu ro‘yxatga yarim himoyachilar Frenki de Yong va Rafinya, shuningdek, himoyachi Ronald Arauxo kiritilgan.
O‘tgan mavsumda Niko "Atletik" safida 37 ta o‘yinda maydonga tushib, 8 ta gol urdi va 17 ta golli uzatmani amalga oshirdi. Uilyamsning bask klubi bilan shartnomasi 2027 yilning yoziga qadar tuzilgan.
