«Вест Хэм» ҳимоячи Жан-Клер Тодибога жиддий қизиқиш билдирмоқда. Яқинда матбуот «Ницца» «болғачилар»нинг Тодибо бўйича 35 миллион евролик таклифини рад этгани ҳақида ёзган эди. "Todofichajes" портали ўз саҳифаларида хабар беришича, лондонликлар таслим бўлишмаяпти ва 24 ёшли ҳимоячи учун иккинчи таклиф тайёрламоқда.

Тодибонинг «Ницца» билан амалдаги шартномаси 2027 йилнинг ўрталарига қадар тузилган. Умуман олганда, ҳимоячи француз клуби сафида 136 та расмий ўйин ўтказиб, ўз ҳисобига 2 та гол ҳамда шерикларига 3 та голли узатма ёздириб қўйган.

Эътибор беринг, ўз вақтида Жан-Клер Тодибо Испаниянинг «Барселона» жамоасида ўйнаган.