Франция терма жамоаси бош мураббийи Дидье Дешам 2024 йилги Европа чемпионати чорак финалида Португалия термасига қарши кечган ғалабали ўйиндан (0:0, 5:3) сўнг журналистлар билан ўртоқлашди.
"Жуда хурсандман, чунки биз ярим финалга чиқдик. Энди навбатдаги жуда қийин баҳсда ғалаба қозонишимиз керак. Кўпроқ гол уришимиз керак, самарадорлик етишмаяпти. Биз битта ҳам учрашувда ўйиндан гол ура олмадикми? Автогол ҳам гол ҳисобланади. Сиз кўп гол ура олмаслигингиз мумкин, лекин асосийси голларингизни ўтказиб юбормасликдир. Лекин мен кўпроқ гол уришимизни афзал кўраман", - деди мутахассис ўйиндан кейинги интервьюсида.
Франция терма жамоаси Европа чемпионати ярим финалида Испанияга қарши баҳс олиб боради.
