Ўзбекистон миллий терма жамоаси ФИФА томонидан бугун эълон қилинган рейтингда 7 поғона пастлаб кетди ва 66-ўринга жойлашди.

Хабарингиз бор, терма жамоамиз март ойида Осиё кубогининг саралаш баҳсида БААга ютқазиб (1:2), Ливанни мағлуб этганди (1:0). Ушбу натижаларда оқибатида рейтингдаги очколарини камайди.

Эрон эса Кувайт билан Осиё кубоги саралашида дуранг ўйнаб, бир поғона кўтарилди ва 56-ўринни банд этди. Ўзбекистонга ютқазиб, Таиландни мағлуб этган Ливан 1 ўрин кўтарилишга муваффақ бўлди (129-ўрин). Гуруҳдошимиз Жанубий Корея 5-поғона кўтарилиб, Осиёнинг иккинчи жамоасига айланган бўлса (42), Қатар 4 ўрин пастлаб, юзликни тарк этди (102).

БАА ва Веьтнам терма жамоалари 9-ўрин кўтарилишга муваффақ бўлди (89 ва 150-ўринлар). Вьетнам эса 3 ўрин пастлади (132).

ОФК Чақирув кубоги саралаш мусобақасида иштирок этган Қирғизистон ва Тожикистон терма жамоалари кескин кўтарилишга эришишган. ФИФА рейтингида энг қуйи ўринлардан бирини эгаллаб турган қирғизлар 59-ўрин кўтарилиб олишган бўлса (142), тожиклар 112-ўринга чиқиб олишди (40 ўрин кўтарилиш).

Япония 3-ўрин пастлаган бўлса-да, 29-ўрин билан Осиёнинг энг яхши жамоаси бўлиб турибди. Австралия эса ўз ўрнини 7 поғонага сусайтирди (46). Японияни мағлуб этган Иордания эса 14 ўрин кўтарилишга эришди.

Рейтингни ҳамон Испания, Германия ва Аргентина терма жамоалари бошқаришмоқда. Хорватия эса кутилмаганда бирданига 5та ўрин кўтарилиб, 4-поғонага чиқиб олди. Португалия эса 7дан 5га сакради.

1. (1) Испания – 1538,
2. (2) Германия – 1428,
3. (3) Аргентина – 1292,
4. (9) Хорватия – 1191
5. (7). Португалия – 1163,
6. (6) Колумбия – 1154,
7. (4) Англия – 1135,
8. (5) Италия – 1117,
9. (8) Голландия – 1093,
10. (11) Эквадор – 1056
...
29. (26) Япония - 773
42. (47) Ж.Корея - 644
46. (39) Австралия - 624
56. (57) Эрон - 538
66. (59) ЎЗБЕКИСТОН- 521.

Жадвалнинг тўлиқ кўриниши билан ФИФА сайтида танишиб олишингиз мумкин.