"Манчестер Юнайтед" ва Россия терма жамоасининг собиқ футболчиси Андрей Канчелскис Португалия терма жамоасининг 39 ёшли марказий ҳужумчиси Криштиану Роналду ҳақида ўз фикрлари билан ўртоқлашди.
"Агар Португалия кейинги босқичга чиққанда, ҳамма Роналдуни мақтаган бўларди. У ажойиб футболчи ва ажойиб инсон. Аммо биз ҳаммамиз ёшармаяпмиз, вақт ҳамма нарсага таъсир ўтказади. Мен Роналдуга фақат миннатдорчилик сўзларини айтишим мумкин", - дейди эксперт.
Эслатиб ўтамиз, Португалия терма жамоаси чорак финал босқичида Европа чемпионатидан чиқиб кетган эди. Роберто Мартинес шогирдлари Франция терма жамоасига пенальтилар сериясида мағлуб бўлди.
