Германия терма жамоасининг афсонавий ҳимоячиси Лотар Маттеус Евро-2024 чорак финалида Испанияга қарши ўйиндан (2:1) кейин "Бундестим" ярим ҳимоячиси Йозуа Киммих ҳақида фикр билдирди.
"Агар унга ишонсангиз, Киммих бизнинг Родримиз бўлиши мумкин. Родри испанлар учун бу позицияда нақадар муҳимлигини кўрдингиз. Йозуа Испанияга қарши ўйинда энг яхши ўйинчимиз эди, ҳатто ўнг қанот ҳимоячиси сифатида ҳам. Аммо, агар у ярим ҳимояда ўйнаса, бундан ҳам қимматроқ футболчи бўлади", - деди Маттеус Sky Sport билан суҳбатда.
Эслатиб ўтамиз, 2024 йилги Европа чемпионати ярим финалида Испания терма жамоаси Франция билан тўқнаш келади. Учрашув 9 июль куни бўлиб ўтади.
