"Манчестер Юнайтед" ҳужумчи Мэйсон Гринвуднинг трансфери бўйича музокаралар қайта бошланишини кутмоқда.

Англиялик футболчи "қизил иблислар"да ўйнашни давом эттирмаслик эҳтимоли юқори - клуб уни ёзда сотишни афзал кўрмоқда. Футболчига талаб бор, бироқ даъвогарларнинг ҳеч бири ҳали "Манчестер Юнайтед" билан келишувга эриша олмади. Журналист Саймон Жонснинг хабар беришича, манкунианликлар тез орада форвардга қизиқиш билдирган "Лацио", "Ювентус" ва "Марсель" билан музокараларни қайта бошлашни кутишмоқда.

Баъзи маълумотларга кўра, "Манчестер Юнайтед" Мэйсон Гринвуд учун тахминан 35 миллион евро сўрамоқда.