"Ницца" марказий ҳимоячиси Жан-Клер Тодибо "Ювентус"нинг трансфер мақсадлари рўйхатида бор.
24 ёшли футболчининг қобилиятлари "бьянконерилар"нинг янги бош мураббийи Тьяго Мотта ва спорт директори Кристиано Жунтоли томонидан юқори баҳоланмоқда, дея хабар беради инсайдер Фабрицио Романо. Турин клуби франциялик футболчини қўлга киритиш имкониятларини ўрганмоқда, бироқ битта жиддий муаммо бор – келишув “Ювентус” учун жуда қимматга тушиши мумкин.
Жан-Клер Тодибога Лондоннинг “Вест Хэм” клуби ҳам қизиқиш билдирмоқда ва “Барселона”нинг собиқ футболчиси аввалроқ “Манчестер Юнайтед”га ўтиши мумкинлиги ҳақида хабарлар тарқалган эди. Transfermarkt маълумотларига кўра, марказий ҳимоячининг нархи 35 миллион евро.
