Андрей Лунин ёзги трансфер ойнасида “Реал”ни тарк этиши мумкин. Тибо Куртуа тикланганидан кейин украиналик футболчини Мадрид жамоасининг иккинчи дарвозабони бўлиш истиқболи қизиқтирмаяпти.
AS ўз саҳифаларида хабар беришича, 25 ёшли Лунин билан ишлаётган машҳур агент Жорже Мендеш шу ҳафтада "Реал Мадрид" билан учрашади. Томонлар бўлажак дарвозабон масаласини муҳокама қилишади.
Агар Лунин кетса, Мендеш "Реал"га яна бир мижози "Порту"дан Диогу Коштани таклиф қилади. 24 ёшли дарвозабон Словенияга қарши ўйинда учта пенальтини қайтариб, Европа чемпионатида порлади.
