Andrey Lunin yozgi transfer oynasida “Real”ni tark etishi mumkin. Tibo Kurtua tiklanganidan keyin ukrainalik futbolchini Madrid jamoasining ikkinchi darvozaboni bo‘lish istiqboli qiziqtirmayapti.
AS o‘z sahifalarida xabar berishicha, 25 yoshli Lunin bilan ishlayotgan mashhur agent Jorje Mendesh shu haftada "Real Madrid" bilan uchrashadi. Tomonlar bo‘lajak darvozabon masalasini muhokama qilishadi.
Agar Lunin ketsa, Mendesh "Real"ga yana bir mijozi "Portu"dan Diogu Koshtani taklif qiladi. 24 yoshli darvozabon Sloveniyaga qarshi o‘yinda uchta penaltini qaytarib, Yevropa chempionatida porladi.
