Дунёнинг тўртинчи рақамли теннисчиси Александр Зверев беш сет давом этган баҳсда америкалик Тэйлор Фрицга ютқазиб, "Уимблдон"нинг чорак финалига чиқа олмади.

Германия терма жамоаси аъзоси Зверев Фрицга (рейтингда 12-ўрин) 6:4, 7:6 (7:4), 4:6, 6:7 (3:7), 3:6 ҳисобида имкониятни бой берди.

Рақиблар кортда 3,5 соат вақт ўтказишди. Теннисчилар ўртасидаги шахсий учрашувлар ҳисоби Зверев фойдасига 4–5 бўлди.

Зверев фаолияти давомида ҳеч қачон "Уимблдон"да тўртинчи босқичдан ўта олмаган.

Бу мавсумда Зверев Римдаги Мастерс мусобақасида ғалаба қозонди, Ролан Гаррос финалига ва Australian Open ярим финалига чиқди.

Фриц ярим финалга чиқиш учун италиялик Лоренцео Мусеттига (25) қарши ўйнайди.