"Марсель" "Манчестер Юнайтед"га Мэйсон Гринвуд трансфери бўйича таклиф билан чиқди.
Daily Mail журналисти Крис Уилер хабарига кўра, "Марсель" 22 ёшли вингер учун "Манчестер Юнайтед"га 27 миллион фунт таклиф қилган.
Битим бонусларни ва Гринвуднинг кейинги сотиш фоизини ўз ичига олиши мумкин. Томонлар, шунингдек, сотиб олиш мажбурияти билан ижара шартномасини ҳам муҳокама қилишди.
Манчестер клуби Мэйсон трансферидан тушган пулни "Эвертон" ҳимоячиси Жерред Брэнтуэйтни сотиб олиш учун ишлатиши мумкин.
Гринвуд ўтган мавсумни “Хетафе”да ижара асосида ўтказди. У Ла Лиганинг 33 та учрашувида 8 та гол урди ва 6 та голли узатмани амалга оширди.
