"Marsel" "Manchester Yunayted"ga Meyson Grinvud transferi bo‘yicha taklif bilan chiqdi.

Daily Mail jurnalisti Kris Uiler xabariga ko‘ra, "Marsel" 22 yoshli vinger uchun "Manchester Yunayted"ga 27 million funt taklif qilgan.

Bitim bonuslarni va Grinvudning keyingi sotish foizini o‘z ichiga olishi mumkin. Tomonlar, shuningdek, sotib olish majburiyati bilan ijara shartnomasini ham muhokama qilishdi.

Manchester klubi Meyson transferidan tushgan pulni "Everton" himoyachisi Jerred Brentueytni sotib olish uchun ishlatishi mumkin.

Grinvud o‘tgan mavsumni “Xetafe”da ijara asosida o‘tkazdi. U La Liganing 33 ta uchrashuvida 8 ta gol urdi va 6 ta golli uzatmani amalga oshirdi.