Мадриднинг “Атлетико” клуби ярим ҳимоячиси Сауль Ньигес жорий трансфер ойнасида клубини ўзгартириши мумкин. Бу ҳақда инсайдер Фабрицио Романо ижтимоий тармоқлар орқали хабар берди.

Испаниялик футболчининг хизматларига "Севилья" қизиқиш билдирмоқда. Андалусия клуби раҳбарияти Ньигесга 3 йиллик меҳнат шартномасини таклиф қилмоқда. Ҳозирда томонлар ўртасида музокаралар олиб борилмоқда.

Сауль 2013 йилнинг ёзидан буён "матрасчилар" сафида ўйнаб келмоқда. Мадриднинг топ-клубидаги 29 ёшли ярим ҳимоячи ўртасидаги амалдаги меҳнат шартномаси 2026 йилда якунига етади.