Испания терма жамоаси ҳужумчиси Альваро Моратанинг келажаги баҳсли мавзуси бўлиб қолмоқда. Гарчи футболчи бу ёзда "Атлетико Мадрид"ни тарк этиш ниятида эмаслигини айтганди.

Матбуот Моратани "Милан" билан фаол боғлашда давом этмоқда. La Gazzetta dello Sport саҳифаларида "россонерилар" Алваро учун йилига тахминан 4 миллион евро маош оладиган уч мавсумга шартнома тайёрлагани ҳақида маълумот пайдо бўлди.

31 ёшли Альваро Моратанинг амалдаги шартномаси "Атлетико" билан 2026 йилнинг ўрталарига қадар амал қилади. Меҳнат шартномасида 13 миллион еврога сотиб олиш варианти мавжуд.