Канада терма жамоаси бош мураббийи Жесси Марш Аргентинага қарши Америка кубоги ярим финали олдидан фикр билдирди. Гуруҳ босқичида жамоаларнинг йўллари кесишган эди - ўшанда аргентиналиклар 2:0 ҳисобида ғалаба қозонишди ва Лионель Месси голли узатмани амалга оширди.
“Охирги ўйинда Мессига етарлича муносабатда бўлмагандик. Биз унга қарши ҳимояланиш учун алоҳида одамни ажратмаймиз, лекин биз жамоавий ҳимояланишга эътибор қаратамиз. Уни тўхтатиш жуда муҳим бўлади. Масалан, унинг бўш жойини чеклаш бизнинг биринчи рақамли вазифамиздир. Биз унинг биринчи ўйиндагидек ҳимоя чизиғимиз атрофида югуришини истамаймиз. Биз ҳаммамиз унинг энг буюк футболчи эканлигини биламиз ва уни ҳурмат қиламиз”, деди Марш журналистларга.
