Бразилиянинг Рио Гранде-ду-Сул штати губернатори Эдуардо Леите "Винисиус Жуниор қонуни" деб номланган қонунга рухсат берди.

Ушбу қонун штатдаги спорт мусобақалари пайтида ирқчилик ва ксенофобия ҳолатларига қарши курашиш тартибини белгилайди.

Агар камситувчи хатти-ҳаракатлар аниқланса, ҳакам ўйинни тўхтатиши керак. Агар дискриминация яна содир бўлса, ўйин 10 дақиқага тўхтатилади ва жамоалар майдонни тарк этадилар.

Агар бу чоралар ёрдам бермаса, ўйин тугатилади. Айтиш жоизки, “Реал” ҳужумчиси Винисиус Жуниор сўнгги йилларда дуч келаётган ирқчиликка қарши фаол курашиб келмоқда.