Даниэль Муньос дисквалификация туфайли Америка Кубоги финалида ўйнамайди.
Колумбия терма жамоаси ҳимоячиси Уругвайга (0:1) қарши ярим финал ўйинининг биринчи бўлимида майдондан четлатилган эди.
“Кристал Пэлас” шарафини ҳимоя қилаётган футболчи ўйиннинг биринчи бўлимида – 31 ва 45-дақиқаларда иккита огоҳлантириш олди.
Иккинчи сариқ карточка олган вазиятда Муньос Мануэль Угартенинг кўкрагига тирсаги билан зарба берганди.
Даниэль Муньос Колумбия терма жамоасининг асосий жамоаси футболчиси. У ушбу турнирдаги барча бешта учрашувни ҳам асосий таркибда бошлаганди.
Турнир финалида Колумбия Аргентина билан куч синашади.
