Колумбия терма жамоаси Америка кубоги ярим финалида Уругвайни мағлуб этиб (1:0) мағлубиятсиз сериясини узайтирди.
Учрашув тақдирини 39-дақиқада урилган Жефферсон Лерманинг голи ҳал қилди. Танаффусга яқин колумбияликлар майдонда бир киши кам бўлиб қолишди, аммо бу уларнинг ғалабани сақлаб қолишларига тўсқинлик қилмади. Squawka хабарига кўра, Колумбия терма жамоаси кетма-кет 28 учрашувда мағлуб бўлмаяпти (6 дуранг ва 22 ғалаба) - шахсий рекорд. Жамоанинг сўнгги мағлубияти 2022 йилнинг февралига тўғри келади - Аргентинадан қабул қилинган мағлубият.
Айнан "Альбиселесте" колумбияликларнинг Америка кубоги финалидаги рақиби бўлади. Учрашув 15 июль куни Тошкент вақти билан 05:00 да бўлиб ўтади.
