Америка кубоги-2024 1/2 финали доирасидаги Уругвай ва Колумбия терма жамоалари ўртасидаги ўйин шов-шув билан якунланди. Финал ҳуштаги янграганидан кейин уругвайлик футболчилар ва колумбиялик мухлислар ўртасида катта муштлашув келиб чиқди.
"Ливерпуль" ҳужумчиси Дарвин Нуньес можаро эпицентрида бўлди. Жанг пайтида уругвайлик юлдузнинг юзига мухлислардан бири зарба берди. Эслатиб ўтамиз, ярим финал Колумбиянинг 1:0 ҳисобидаги минимал ғалабаси билан якунланган эди. Ягона гол биринчи бўлим охирида киритилди.
Колумбия терма жамоаси Америка кубоги финалида Аргентина билан куч синашади. Учрашув 14 июлдан 15 июлга ўтар кечаси бўлиб ўтади.
