Кеча Колумбия ва Уругвай терма жамоалари ўртасида Америка кубоги-2024 иккинчи ярим финал учрашуви бўлиб ўтди. Колумбиялик футболчилар 1:0 ҳисобида минимал ҳисобда ғалаба қозониб, турнир финалига йўл олишди.

Учрашув якунлангач, Колумбия терма жамоаси мухлислари ва уругвайлик футболчилар ўртасида муштлашув келиб чиқди. Муштлашувда "Ливерпуль" ҳужумчиси Дарвин Нуньес иштирок этди. Нуньес ҳақоратлаган колумбиялик мухлисларга стул улоқтирган.

Америка кубоги финалида Колумбия терма жамоаси амалдаги чемпион Аргентина терма жамоасига қарши майдонга тушади. Учрашув 14 июлдан 15 июлга ўтар кечаси бўлиб ўтади.