Mundo Deportivo нашри кеча Англия ва Нидерландия терма жамоалари ўртасида бўлиб ўтган Европа чемпионати-2024 1/2 финал учрашувида ҳакамлар ишини танқидий баҳолади.

"Кейн билан боғлиқ вазиятда жуда ғалати пенальти белгиланди. Бунинг эвазига инглизлар ҳисобни тенглаштиришди ва камбек қилишди. Контакт аниқ эди, лекин бу эпизодда ким кимни урди? Кейн зарба берди ва инерция туфайли зарбани қайтаришга уринаётган ҳимоячининг оёғи билан тўқнашиб кетди" - деб ёзади испан нашри.

Эслатиб ўтамиз, учрашув Англиянинг 2:1 ҳисобидаги иродали ғалабаси билан якунланган эди.