Ҳимоячи Маттейс де Лигт «Манчестер Юнайтед»да Эрик тен Хаг билан яна бирга ишлашга қарор қилди. "Sky Germany" журналисти Флориан Плеттенбергнинг ижтимоий тармоқларда ёзишича, де Лигт зудлик билан инглиз клубига ўтмоқчи. «Бавария» 24 ёшли футболчининг ўрнига аллақачон бошқа вариантларни изламоқда.
Айни дамда «Бавария» ва «Манчестер Юнайтед» ўртасида илғор музокаралар олиб борилмоқда, бироқ ҳозирча келишув йўқ. Шу билан бирга, де Лигтнинг ўзи аллақачон «қизил иблислар» билан узоқ муддатли шартнома ҳақида келишиб олган.
Қайд этилишича, Маттейс де Лигт учун тиббий кўрик санаси ҳозирча белгиланмаган.
