Колумбия терма жамоаси бош мураббийи Аргентинага қарши Америка кубоги финали ҳақида гапирди.
Турнирнинг ҳал қилувчи баҳси 14 июлдан 15 июлга ўтар кечаси бўлиб ўтади.
"Биз ҳар доимгидек ҳаракат қиламиз. Колумбия ҳар доим ғалаба учун ўйнаган.
Аргентина - дунёнинг энг яхши жамоаси, жаҳон чемпиони, Америка кубогининг амалдаги ғолиби, аммо биз ҳаракат қиламиз", - деди Колумбия терма жамоаси устози.
Шунингдек, аргентиналик Нестор Лоренсо ўз ватанига қарши ўйнаш қандай бўлиши ҳақида гапирди.
"Мен буни ҳеч қачон бошдан кечирмаганман, билмайман. Менинг яқинларим бор, улар бу содир бўлиши мумкинлигини айтишди.
Кўрамиз, бу жуда зўр бўлади. Мен бутун фаолиятим давомида таниш бўлган футболчиларга қарши чиқаман", - дейди Нестор Лоренсо.
58 ёшли мутахассис колумбияликларнинг муваффақиятига Хамес Родригеснинг таъсирини баҳолади.
"2014 йилда Хамес тўпурар, юлдуз футболчи эди, аммо ҳозир у жуда яхши ўйнамоқда ва бутун жамоа унга ёрдам бермоқда", - дейди Колумбия терма жамоаси бош мураббийи.
