Фаолиятининг асосий қисмини Россия клубларида ўтказган Ўзбекистон миллий терма жамоаси собиқ футболчиси Вагиз Галиулин "Андижон"га қайтди.
"Анджон" клуб матбуот хизмати ўзининг телеграмдаги расмий каналида янги трансфер ҳал бўлганига шаъма қилди.
Шунингдек, куни кеча ижтимоий тармоқларда Андижон вилояти ҳокими Ш.Абдураҳмонов Вагиз Галиулин билан учрашгани борасида видео тарқалганди.
Вагиз Галиулин фаолиятини "Андижон"да бошлаган ва 2002-2005 йилларда андижонликлар сафида ўтказган. Шундан сўнг, 2006—2014 йилларда "Рубин", 2010—2012 "Сибирь", 2012—2013 "Нефтехимик", 2014—2015 "Уфа", 2016—2018 "Тосно", 2018—2019 "Тамбов" , 2019 йилдан шу кунгача "Нефтехимик" жамоасида ўйнаб келаётганди.
