Англия терма жамоаси Нидерландияни 2:1 ҳисобида мағлуб этиб, Европа чемпионати финалчисига айланди. Инглизлар илк голини пенальтидан урди ва бу баҳсларга сабаб бўлди. Пенальти Гарри Кейн ва Дензел Дюмфрис ўртасидаги вазиятни кўргандан кейин ВАР аралашувидан сўнг белгиланди.
Кейннинг фикрича, ҳакам тўғри пенальти белгилади, чунки контакт бор эди.
"Менинг оёғим ён томонга бурилиб кетди, шунинг учун у мени аниқ ушлаб олди! Гол урганимдан хурсанд бўлдим. Бу яхши туйғу эди", - деди Кейн журналистларга.
Англия терма жамоаси Евро-2024 финалида Испанияга қарши майдонга тушади. Учрашув 14 июль куни бўлиб ўтади.
