Франциянинг «ПСЖ» клуби нигериялик ҳужумчи Виктор Осимхен трансфер қилинган тақдирда жамоа ҳужумчиларидан бири билан хайрлашиш вариантини кўриб чиқмоқда.
Бу ҳақда журналист Бен Жейкобс Х ижтимоий тармоғида (собиқ Twitter) хабар берди.
Манба берган хабарга кўра, клуб франциялик ҳужумчи Рандаль Коло Муани ва португалиялик Гонсалу Рамушни сотиш имкониятини кўриб чиқмоқда.
Қайд этилишича, клуб Рамушни сақлаб қолишга мойил, чунки у бош мураббий Луис Энрикенинг ўйинига кўпроқ мос келади.
Коло Муани, раҳбарият фикрига кўра, молиявий нуқтайи назардан муваффақиятли савдо бўлиши мумкин.
